شرح لطريقة كسر كروت الشاشة لزيادة اداء العاب الشبكة

[[STG]ابو حمد 503]

السلام عليكم ورحمة الله وبركاته

تذكر ان هذا على مسؤوليتك الخاصة
يعني مو تجيني بكرة تقولي انا خليت تردد الكرت 9999 وما ادري ايش صارله

***وايضا كسر سرعة كرت الشاشة او اي قطعة اخرى يلغي الضمان ....يعني كل اللي راح تسويه على مسؤوليتك ***

اذا اتبعت الخطوات بشكل سليم ان شاء الله راح تحصل على نتائج رائعة اما الفلسفة خليها على مسؤوليتك.

شرح لطريقة كسر كروت الشاشة

وراح تستمتع باداء زيادة بدون اي مقابل


انا راح احاول اكون بسيط جدا في الشرح وما اتطرق الى النقاط التفصيلية لان الشرح موجه للجميع يعني حتى اللي معلوماته بسيطة ان شاء الله يقدر يكسر الكرت بنجاح .. اذا اتبع الطريقة بشكل سليم


طبعا اتوقع ان الاغلبية يعرفون فوائد كسر كرت الشاشة

وهي ان كرت الشاشةيتم تحديد سرعته من قبل الشركة المصنعة
لكن الكرت يقدر يعمل على سرعة اكثر من التي تم تحديدها له

وكل كرت له حد اقصى من الزيادة والعمل بدون مشاكل ..وفي هذا الدرس راح تعرف كيف توصل لهذا الحد الاقصى

واكيد طبعا راح يزيد ال FPS وراح تحس بسلاسة اللعب


بس في نقطة حبيت اقولها هي ان مو كل الانواع تقدر تكسرها كثير
يعني في انواع ممكن تزود اكثر من 150 mhz
وانواع ممكن اكثر شيء 100 mhz

وممكن كروت من النوع نفسه تختلف
عموما انت جرب وشوف وان شاء الله يكون كرتك له قابلية عالية للزيادة
واذا كان ماله قابلية عالية للزيادة مو مشكلة انك تحصل على كم FPS زيادة

فيه البعض يظن ان كسر كروت الشاشة يكون في الكروت الضعيفة فقط

بل بالعكس في الكروت القوية ممكن يكون نسبة الزيادة اكبر من الكروت الضعيفة
خلاصة الكلام : اذا تبغا زيادة في اداء لعبة او العاب اكسر كرت الشاشة .... كرت قوي قرت ضعيف ما تفرق

وانا اضمن للجميع نجاح الكسر اذا اتبع الشرح بطريقة سليمة
انا غير مسؤول اذا واحد اتفلسف من عنده
سوي مثل ما اقول ... مع ان في اغلب الحالات لو زودت السرعة فوق الحد المسموح راح يعلق الكرت لكن مجرد تسوي ريستارت وانتهى الموضوع

وفي شيء ثانية هو الحرارة لكن راح اتكلم عنه في اثناء الشرح

وللمعلومية الطريقة تصلح ل ATI و NVIDIA على حد سواء

يلا بسم الله نبدأ الشرح :

=======================

اولا نحتاج الى برنامجين لكسر كرت الشاشة

الاول هو ATI Tool

http://www.techpowerup.com/wizzard/ATITool_0.27b3.exe

الثاني هو RivaTuner

من هنا :

http://194.71.11.69/pub/games/PC/gur...u3D.com%5D.exe

### يمكن واحد يسأل : ليش منزل اداتين اوفر كلوك مع انك ممكن تكسر بواحدة منهم ؟
$$$$ الجواب لان كل واحدة منهم لها مميزات فحنا نبغا نستغل مميزات هذه وهذه


تثبيت البرنامجين عادي جدا يمكن ريفا تنر يجيبلك اشياء كذا انت ما عليك الا نكست و اكوي
اذا خلصت اول شيء افتح برنامج ATI Tool (هو اسمه ATI بس ينفع كمان مع Nvidia )

ثم اتبع الاتي :








اذا كانت درجة الحرارة تحت 45 فيعتبر جيد جدا او 50 ممكن لكن انت وحظك ممكن الكرت يكون يسخن كثير وممكن لا

عموما راح تختبر الحين ونشوف الى كم الحرارة راح توصل

===

خلي برنامح ATI شغال وافتح برنامج riva ثم اتبع الخطوات اللي في الصور :





الآن راح نبدأ بكسر تردد كل شيء على حده ال Core ثم ال Shader ثم ال memory
يمكن البعض يسال ليه ما سويت عملية الكسر من برنامج ATI مع ان البرنامج يتيح ذلك (لاحظ المؤشرات اللي في البرنامج)
الجواب ان معظم برامج الكسر تعتبر ال core وال shader شيء واحد فاذا زودت سرعة ال core تزيد معه سرعة ال shader تلقائيا في حين ان ممكن ال core يزيد بنسبة كبيرة وال shader لا
فتطر انك تخفض ال core عشان ال shader تصير في الحد المسموح
لكن مع برنامج ريفا تقدر تحدد تردد مختلف لل shader وتصير مالها علاقة بال core
** ملاحظة ** اذا كان كرتك قديم فممكن ما تلقى ال shader وتلقى core و memory فقط (مو مشكلة نفذ الخطوات عادي ).






اتوقع اغلب الكروت تتحمل اكثر من 50 mhz لكن احتياطا زودنا 50 مبدئيا
وراح نختبار ثبات الكرت على هذا التردد عن طريق الرجوع ل برنامج ATI ثم تضغط على Scan for Artifacts



وهذه صورة لخطوط الصفرا اللي تطلع اذا الكرت تجاوز السرعة المسموحة (مو شرط خطوط ممكن نقاط او حتى اشكال كبيرة) :




طبعا مجرد ظهور ولو نقطة او نقطين صغار معنى كذا انك زودت
والمطلوب انك تنزل 10 mhz وتشوف اذا فيه النقاط هذه ولا لا

اذا خلصت الخطوة المبدئية وطعت تمام (مثل ما ذكرت هذه غالبا تنجح)

ابدأ زود 10 من برنامج riva وشوف النتيجة في برنامج ati
اذا لقيت تمام زود 10 ثانية وهكذا
الين ما توصل لحد معين مثلا 800 ولقيت برنامج ati يطلعلك اللون الاصفر نزل التردد ل 790 واذا لقيتها مستمرة نزلها بعد 780 وما اتوقع تستمر بعد تخفيض 20 mhz
وبكذا انت وصلت للحد الاقصى لكرت الشاشة

نفذ نفس الخطوات مع ال shader وال memory يعني اول شيء 50 ثم 10 ب 10

وهذه صورة للترددات الاصلية عندي



وهذه صورة الترددات المكسورة




اذا سويت كل ال 3 اشياء وزودتها الى اقصى حد ممكن للكرت تحمله

سوي اختبار تاكيدي

بنفس الطريقة عن طريق برنامج ATI لكن خليه لفترة اطول ( لا تقل عن 5 دقائق)
وخلالها تاكد من استقرار درجة الحرارة وانها ما زادت عن ال 65
اذا زادت فعندك حلين اما انك توفر تبريد خارجي للكرت (يعني مروحة اضافية مثلا ..)
او انك تزود سرعة المروحة حقت الكرت الحالية (طبعا اللي كرته ما فيه مروحة لازم يستخدم الحل الاول)
وتقدر تزود سرعة المروحة عن طريق برنامج ريفا ثم فتح نافذة الترددات :




في حال اذا سويت نفسك فاهم وما اتبعت الخطوات بشكل سليم وزودت تردد الكرت لدرجة عالية عن المسموح فراح يعلق الجهاز لكن لا تخاف سوي ريستارت وراح يرجع طبيعي وما فيه شيء

عموما هذا مو تخويف هذا بس عشان انبه على الجميع ان ما في احد يتفلسف من عنده الا اذا كان عارف ايش يسوي

فقط اتبع الخطوات المشروحة وراح تكون في السليم ان شاء الله

ثم اخيرا ...:



وللتاكد من ان الترددات تم تغيرها فعلا استخدم برنامج GPU-Z

http://download1us.softpedia.com/dl/...PU-Z.0.4.6.exe




لاحظ انها مختلفة عن اللي تحتها (اللي هي الترددات الاصلية )
اما اذا لقيتها نفسها او واحد منها ما تغير فمعنى كذا انك سويت شيء غلط عشان كذا ما انحفظ التردد الجديد
وراجع الخطوات مرة اخرى

ملاحظة : اذا حذفت التعريف ثم ركبته مرة ثانية او ركبت تعريف جديد للكرت ..فان الاعدادت ترجع لوضعها الافتراضي
فيفضل انك تحفظ ارقام الترددات عشان اذا ركبت تعريف جديد مثلا ما يحتاج تسوي الخطوات هذه مرة ثانية
فقط روح على برنامج ريفا ثم غير الترددات

اتمنى يكون الشرح واضح


وتذكر ان هذا على مسؤوليتك الخاصة
يعني مو تجيني بكرة تقولي انا خليت تردد الكرت 9999 وما ادري ايش صارله

***وايضا كسر سرعة كرت الشاشة او اي قطعة اخرى يلغي الضمان ....يعني كل اللي راح تسويه على مسؤوليتك ***

اذا اتبعت الخطوات بشكل سليم ان شاء الله راح تحصل على نتائج رائعة اما الفلسفة خليها على مسؤوليتك.

مع تمنياتي للجميع بعموم الفائدة

منقووووووووول

تحياتي لكم / ابو حمد 503